Sjoan. Doe höbs ein käör gemaaktj om ein verhaol te gaon laeze oet ooze verhaolebundel. De bundel is precies op de gooj pagina aopegeslage, dus begin met mit laeze! Väöl plezeer!
 
 
 
Column: Nog eine om het aaf te liëre
Door: Roy Meuwissen
..................................................................................................
 

In miene eesjte column waor te laeze wie Repke Tepke ontstange is, dus leek het mich neet mië dan normaal om de letste jaore van ôs zaate hermenie den auch mer alvas te verklappe. Uiteraard zoe ich det zelf kinne vertelle, mer het volgende stökske zaetj mesjien mië dan genôg. Eene greep oet een lokaal ochtendblaad:

Pej,         December 2026

“Nog eine om het aaf te liëre”

Eene passende titel veur de viefde en letste cd van Repke Tepke, de Zaate Hermenie die dit jaor häör 25-jäörig bestaon viert. Sinds de rumoerige mer väölbelaovende start in het jaor 2001, waor Repke Tepke neet mië weg te dinke oet de Limburgse fiëstenten. Het feit det ze het LKZH (het Limburgs Kampioensjap veur Zaate Hermeniekes) mer leefs drie kiër wonne (red: in het jaor 2016, 2018 en 2021) waor den auch gein verassing. De vief vrunj die Repke Tepke opzatte, waerde al snel biejgestange door nog zès angere. En zoä doerde het neet lang veurdet ze een zaate hermenie begooste, geïnspireerd door toenmalige Limburge topbands es Rowwen Hèze (America) en de Janse Bagge Bend (Zöstere). Hun idole höbbe ze inmiddels ver achter zich gelaote, en die 11 man die in 2001 begooste op de zolder van een kefee, waere inmiddels biejgestange door nog 15 angere.
Mer det is zeker neet het enige waat verangerd is! Waor de gemiddelde laeftied van de leeje in 2001 nog zo’n 17 jaor, zeen noe hun kenjer awd genôg om de zaak euver te numme. De snelheid is mesjien euver de jaore haer get verminderd, het enthousiasme is der allein mer mië op gewaore. Hun hoeägtepuntj is ongetwiefeld de köninklijke ongersjeijing die ze afgeloupe november op de 11e van de 11e kreege. Veur de invlood dae ze al die jaore höbbe oetgeoefend op de vaderlandse meziekwaereld kreege ze oet henj van de kersverse köningin Amalia de ongersjeijing in de Orde van Oranje Nassau. En det is get, waat veur mer weinige Nederlenjers is weggelag: “Een geweldige aafsloeting van een geweldige periode oet mien laeve,” spruk Prins Bart III (Bart Golsteijn), dae den eindelijk aafgeloupe vastelaovendj tot prins van de zaate hermenie waerde oetgeroope. “Ich weit nog wie ver net begooste. Der waor neemes dae ech geluifde in het veurtbestaon van ôs Repke Tepke: Vief jaor…maximaal!, zagte de meiste. Waarsjienlijk zelfs ôs aojers motte det gedach höbbe: “Zoäväöl jong men, allemaol aeve onervaren en eigewies, det mot toch fout gaon!” Noe, 25 jaor later, höbbe ver het taegedeil waal beweeze liek mich zoä!”

Toch zit het der noe bekans op. Nog een paar optraejes tot aan de vastelaovendj van 2e inmiddels biejgestange door nog 15 angere.
Mer det is zeker neet het enige waat verangerd is! Waor de gemiddelde laeftied van de leeje in 2001 nog zo’n 17 jaor, zeen noe hun kenjer awd genôg om de zaak euver te numme. De snelheid is mesjien euver de jaore haer get verminderd, het enthousiasme is der allein mer mië op gewaore. Hun hoeägtepuntj is ongetwiefeld de köninklijke ongersjeijing die ze afgeloupe november op de 11e van de 11e kreege. Veur de invlood dae ze al die jaore höbbe oetgeoefend op de vaderlandse meziekwaereld kreege ze oet henj van de kersverse köningin Amalia de ongersjeijing in de Orde van Oranje Nassau. En det is get, waat veur mer weinige Nederlenjers is weggelag: “Een geweldige aafsloeting van een geweldige periode oet mien laeve,” spruk Prins Bart III (Bart Golsteijn), dae den eindelijk aafgeloupe vastelaovendj tot prins van de zaate hermenie waerde oetgeroope. “Ich weit nog wie ver net begooste. Der waor neemes dae ech geluifde in het veurtbestaon van ôs Repke Tepke: Vief jaor…maximaal!, zagte de meiste. Waarsjienlijk zelfs ôs aojers motte det gedach höbbe: “Zoäväöl jong men, allemaol aeve onervaren en eigewies, det mot toch fout gaon!” Noe, 25 jaor later, höbbe ver het taegedeil waal beweeze liek mich zoä!”

Toch zit het der noe bekans op. Nog een paar optraejes tot aan de vastelaovendj van 2027 en den is auch Repke Tepke historie. De optraejes die nog zulle volgen staon gehiël in het teiken van hun letste cd: “Nog eine om het aaf te liëre”. En net zoä wie de veer  veurgangers van dees cd, zal auch de viefde cd weer in hiël väöl hoeskamers terech komme. Net zoä wie de concerte van Repke Tepke weer oetverkoch zulle zeen. Aan het einde van de rit, kommendj jaor februari, nog eine kiër hun eigen vastelaovesconcert, het evenement wao ze groeät en bekend mit zeen gewaore, en den is het gedaon. Den zal zaate hermenie Repke Tepke neet mië zeen, en zal der weer een nuuj generasie baove komme om Repke Tepke op te volge, zoä wie Repke Tepke, in hunne begintied, Trööt in de Gööt haef opgevolg. Een geweldig einde van een geweldige Zaate Hermenie!

Waor geteikend,

Awd-Prins Roy Meuwissen

 
 
Repke Tepke 2009 (Bart Golsteijn - thambar@xs4all.nl)