Sjoan. Doe höbs ein käör gemaaktj om ein verhaol te gaon laeze oet ooze verhaolebundel. De bundel is precies op de gooj pagina aopegeslage, dus begin met mit laeze! Väöl plezeer!
 
 
 
Vastelaoveszaoterdig: 5e Bavaria Platsspektakel in Ech!!
Door: Jos Meeuws, publisiteitsregelieŽr 5e Bavaria PlatsSpektakel
..................................................................................................
 

Ein jaor of vief geleje zeen d’r get minse op ’t sjoan idee gekómme óm saoterdigs väör de vastelaovendj get gans nuuts te gaon organizere inne gemeindje Ech-Zöstere: ’t Bavaria PlatsSpektakel waerdje det geneumdj. De ieëste veer aafleveringe van det gedoons wore ein geweldig sukses. En natuurlik kömptj d’r auch ein viefdje edisie. Ein jubileumedisie dus! Ofsjoan, vief is natuurlik gein vastelaovesgetal tenzij det se ’t es volgtjopboets:5x11=55:11=5! In taegestélling tót de väörige veer edisies geit det gehóddel dit jaor al óm 14.30 oer beginne en daonao zal ’t nag tót 19.00 oer gezellig ónröstig blieve in ’t centrum van Ech. De organizasie van det hieël gedoons haef de Stichting PlatsSpektakel Echt zich weer toegeëigendj!!! 

Waat kènne de vastelaovesgekke op vastelaoveszaoterdig 17 fibberwari in ’t centrum van Ech allemaol verwachte biej det 5e Bavaria PlatsSpektakel? ’t Gedoons weurdj geäöpendj door de bekèndje groep Promilaasj. De wénnaars vanne diverse sjlagerkonkoerse in de gemeindje kómme op ’t podium: St. Joas, Deetere, de Nuujsjtadt, Zöstere, Pej, de Boesj en Ech.  En aug bekèndje en minder bekèndje zangers, artieste, zangeressen en anger kommeidemaekers oet Ech-Zöstere staon garant väör ein geweldige vastelaovesheppening. Waat te dènke van de Limburgse Kampioen Zate Hermeniekes RepkeTepke, De Veterane, De Jónges vanne Zank, Paul & Leo (die wone noe nag in Haerle), Smasjing Pupkes, Averegs, Sef Laugs, Swinging Sisters, Vivace, Ron & Dave, Mes Amis, De Prins van Ophaove, De Batsekratsers en Mit Väöl Gelök. Peggy en Roel sloete de zaak om ein oer of zeve aaf mit ’t sjoan leedje “Ein Jaor”. De presentasie van det gedoons is weer in hènj van Henk Hover en Paul Niessen van de beroemdje Echter Revu. De muziekaal ómliesting van daen hieële hanjel weurdj auch dit jaor weer verzörgdj door De Breultaler oet Ech. Dit weurdj weer Vastelaoveskultuur mit ein hooflétter en ammuzement vanne baovenste plank!!! En witj geer waat noe ’t sjoane van det hieël gedoons is? ’t Is ram väör niks! Luuj vanne gemeindje Ech-Zöstere en aug van daoboete: laotj de boel de boel en smeertj uch get sjmink óm eur moel. Kómptj vastelaoveszaoterdig massaal nao de Plats in Ech, went dit spektakel misse det is pas dómme pech.

 
 
Repke Tepke 2009 (Bart Golsteijn - thambar@xs4all.nl)