Sjoan. Doe höbs ein käör gemaaktj om ein verhaol te gaon laeze oet ooze verhaolebundel. De bundel is precies op de gooj pagina aopegeslage, dus begin met mit laeze! Väöl plezeer!
 
 
 
Column: Vastelaovendj same!
Door: Roy Meuwissen
..................................................................................................
 

Geweldig!

Kiekend nao ôs programma van de kommendje maonje is det het enige waat ich dereuver kin zègke. Nog veurdet de vastelaovendj van 2005 zien intraeje pas ech duit, ligktj der ein programma naeve mich, divers wie het mer kintj. Murge, de elfde vanne elfde, zoepe in Mestreech en trööte in Ech, een cd-opname in december, en ôs eigen jaorlijkse vastelaovesconcert in januari, om mer een paar dènger te numme!

Eine groeäte stap veur een zaate hermenie wie die van ôs, zo'n cd-opname. Vraog eederein wao Repke Tepke om bekintj stuit en het antwoord is biej eederein hetzelfde: snel, hel en enthousiast. Een anger antwoord is der simpelweg neet. Mer zoä hel en snel wie het der in de kefee aan toe geit, zoä besjaaf en rustig geit het der aan toe oppe cd-opname. Het vervange van microfoons in zo'n studio kos immers eene houp geldj! Voeg dao aan toe det prakties eeder lid nog studeert, en zie daar: een probleem! Dus zachjes en veural rustig aan (oet de polse!!).

Ich sjeet in de lach es ich de gezichte weer veur mich zeen. De gezichte die eederein trok toen ooze repetisieleider (laes: repetisielijder) aangoof det het noe toch ech een bietje rustiger mos in verbandj mit de cd-opname. Mer zoä es altied deeg eederein vervolges op zien eigen meneer zien bes en klonk het wie noeäit teveure. Niks permanents uiteraard, want es de geur van vers getap beer door de zaal geit en de repetisie op zien einde geit knalt het weer es vanouds.

Nao de cd-opname geit het den weer richting de trots van eeder lid bènne Repke Tepke: ôs vastelaovesconcert, precies ein waek veur de aanvang van de vastelaovendj. Den mooge ver weer knalle en sjäöre zoädet ver inne ganse gemeinte te huëre zeen. Kommendj jaor alweer de veerde kiër det ver dit organiseren. Het eesjte jaor mesjien nog waal het sjoeänste. Net een paar maondj bezig stinge ver mit 13 man oppe zolder biej Strandjpaol 11. Ôs eesjte echte optraeje en eederein waor zoë nerveus wie het mer kintj. Snel nog ff de bongo's aanein klommele mit dikke naegel en klaor waore ver. Klaor om een paar nummerkes te blaoze. Oeteindelijk höbbe ver prakties de ganse aovendj (van ach tot ein) in de kefee getrööt, en trots det ver waore. Vanaaf det moment is het allein mer groeäter gewaore. Väörig jaor veur het eesj een echte fiëstent en zaate hermeniekes van boete de gemeinte. Kommendj jaor, nog groeäter, nog luidruchtiger en nog drukker bezoch (althans, det moog ich haope).

Mer eesj de elfde vanne elfde. Al de ganse waek dendert de vastelaovesmeziek door de straot, het eine nummer nog baeter den het angere. Murge de echte äöpening in Mestreech. Uiteraard bezoch door Repke Tepke, althans een deil. De pakken van het LKZH weer oet de kas, de pruuke van de zolder aaf en op nao het OLV-plein. Sjriëve en zinge same mit al die angere gekke in het roeäd-gael-greun, prachtig toch! Het laeve van eene echte rockster zulle ver mer zègke! Ich kin der in eeder geval waal aan wènne, det is een dink waat zeker is..

Waor geteikend,

Awd-Prins Roy Meuwissen

 

 
 
Repke Tepke 2009 (Bart Golsteijn - thambar@xs4all.nl)