jaor van oetgaaf: 2004

leukheidsfactor:  
 
Bart Sevriens in TROY (de moevie)
 
Bart Sevriens (hae is waal populair hè), haef zich, väör de screening van de (noe) waereldjbereumdje film 'Troy' opgegaeve en hae is toen mit ziene fiets nao Hollywood gegange.
Dae aangekomme woor der bek aaf en haef der zich ens flink laote gaon in ein van de väöle kefees waat der langs de waeg te venje woore.
Nao ein waekske in Amerika te höbbe vertoefdj woor de groate gebäörtenis den auch neet wuud mië weg. Omdet Bart eine man is mit ein 'image', is der gewuën zichzelf gebleeve biej de screening en stong der dao den auch mit zien greun pruuk.

Biej het bekieke van de foto denktj geer natuurlik: wow, waat is dae Bart breid gewoore, mer niks is den auch minder waerd.
Het haef, om precies te zeen, 6 oer en ein klein kwarteer gedoertj om Bart in het harnas te hijsse. Dit woor neet bepaaldj zien maot en der woore den auch plaatse wo vleis tevaol zoot en op sommige gebieden haw der speling det der zich dao ein bruëdje kiës in kos duuje.
Al mit al haef der zon 3 oer op de set rondjgehuppeld en eederein woor der auch deep onger de indruk van zien talenten. Väöral de intro van Happy Together sloog erg aan biej de regisseur. Toch höbbe ze eine angere (bekendje) acteur de rol gegaeve omdet Bart ein bietje gebrekking Engels haw en alle frikkedelle op de set steeds weer op zoot te aete in plaats van mit zien acteren bezig te zeen.
Omdet ooze sjuufspeler toch eine depe indrök achter haef gelaote, is der speciaal väör hem ein saort van litho gemaaktj wo der in volle glorie (mit pruuk) te bewondere is. Deze litho is hiejonger aafgebeeldj om uch ein klein indrök te gaeve van zien oeterlik en meisterlikke gelaatsoetdrökkingen.

De litho is officieel eigendom van Bart en haef haef hem biej zich thoes op de WC gehange omdet der dao eedere daag zon 4 oer doorbrungtj.

Van huëre zegge haef hae stiekem ein contract geteikendj väör ein teikenfilm diej in 2009 oet zal komme. Es dit aan de orde is, zulle weer hiej zeker verslaag van oetbrènge!
 

Bart in zien harnas wo der zon 12 kilo in is aafgevalle
Repke Tepke 2009 (Bart Golsteijn - thambar@xs4all.nl)