jaor van oetgaaf: 2004

leukheidsfactor:  
 
Paul Sonnemans aan doad ontsnaptj!
 
Paul Sonnemans oet Brach is gistermörge onger het rippetere op zien käöketaofel aan de doad ontsnaptj.
Toen Paul gistermörge opstong en nao onger ging om zich ein botterham mit kiës te aete, waerdje der opèns onpasselijk toen der dees genuttigj haw.
Hae leep ein bietje paars aan en veuldje zich ein bietje lich in de kop waere. In ein paar second veel der mit hel kabaal op de grondj neet wo der den auch zeker ein dikke 15 menuut haef gelaege. Einmaol biejgekomme is der opgestange en zoog der tot zien groate verbazing det alles om hem haer super groat woor gewoore. Auch zoog der ein vroumes biej hun door de kamer loupen diej erg gehaastj in alle laaje en kès aan het kieke woor. Op de käöketaofel zoog der ein laeg fleske staon mit dao ein laevesgroat etiket (hae woor mer klein) wo op stong: 'Super verkleiner'. Bliekbaar woor zien botterham mit kiës vergiftigtj gewoore door de vraemdje vrouw diej waat noe hun hoes aan het doorzeuke woor.
Paul, nuchter wiej der altied is, leet zich neet kenne en begoos den auch mit zien klein trom rippetisie diej waat al ein waek in ziene agenda stong gesjreeve. Hae klouterde den auch op de käöketaofel en pakdje ein miniatuur-speelgoodtrumke. Hae rippeteerdje en rippeteerdje toen der op ein gegaeve moment eine helle slaag huërdje.
Het gek vroumes haw zich ein broadmets oet de kast gepaktj en woor neet van plan om Paultje laevendj te laote. Paul dae zat het op ein rennen en koos zich nog net via ein slingerbewaeging langs de käöketaofelpoat op ein veilige posisie verberge. Ein oer gewachtj koom de politie bönne diej de vrouw direct arresteerdje en mit nomme nao het burea. Paul dae waerdje nao het ziekenhoes gebrach wo der ein antibiotica kuur kreeg en alles weer normaal waerdje.

De vraemdje vrouw zit nog steeds vas en weurdj in de ongerwaereld aangespraoken mit de volgendje naam: 'det vroumes van dae vrachtwagen'. Kiektj hiej dus vaor oet.
 

Ein foto van Paul tiejens het repetere, gemaaktj door de beveiligingscamara biej hun thoes
Repke Tepke 2009 (Bart Golsteijn - thambar@xs4all.nl)