jaor van oetgaaf: 2005

leukheidsfactor:  
 
De lenigste man van de waerld verkeezing
 
Pejjerstraot - Vriedigaovendj is biej Kefee Strandjpaol 11 de lenigste man van de waereld verkeezing gehaoje mit eine neet gehiël verrassende wènnaar. Het is Paul Coolen oet Ech gewoore mit ein doorbuiging van 113,6 centimaeter. Mit dees getallen haodje der Xia Wung mit 98,1 cm en Piu Trompetta mit 87,6 cm wuud achter zich.
Eine overweldigendje Paul: 'Ich wis det ich kans maaktje, mer dit höb ich noats kenne en mooge druime'. Mit dees iëste plaats kömtj Paul direct in het Guinness Book of Records en aangezeen de verkeezingen mer èns in de 33 jaor waere gehaoje zal der zich nog 33 jaor lenigste man van de waereld mooge numme.

Paul haef zien succes te danke aan het circus van zien awd-ome, welke in zien beginjaore gans Rusland en Tsjechië aafreisdje mit de ganse circus-bups. Paul, dae waat toen nog gein opleiding volgdje, reisdje jaore mit en veurdje den ach altied zien slangenact oet. Dit maakdje hem uiterst lening, mer daonaeve geuftj der aan det ein pilske op ziene tied auch gein kwaod kentj. Door de pils komme dien spiere en hersenen tot rös en den bös se tot dinger in staot, die waat se noats van dichzelf hejs verwachtj, aldus Paul.

De volgendje verkeezing zal waere gehaoje biej Cafeos Muchi-Bar op Gran Canarcia op vriedig 28 augustus 2037. Det wiltj zegge: es diej kefee den nog bestuitj.
 

Paul is ein van zien bereumdje poses
Repke Tepke 2009 (Bart Golsteijn - thambar@xs4all.nl)