jaor van oetgaaf: 2005

leukheidsfactor:  
 
Het circus presenteerdj: de act mit de hunj
 

Het woor al lange bekendj det Ellen eine deerenleefhöbber woor, mer ein carrière in het circus woor waal erg onverwachtj.

Door ein circusoetzènjing op de Italiaanse zender Rai Uno, woor Ellen hiëlemaol verkoch door "de act mit de hunj" wiej hetzelf zaetj. Biej dees act zörgtj ein hüpsch maedchen derväör det sjoan hundjes diej de haor leuk höbbe, prachtige kunskes vertoane.

Ellen haef hiejväör eine sjoane breef gesjreeve nao de directeur van Circ du Fantastique oet Frankriek. Eine breef terök maakdje het maedje van de Slek biejzunjer bliej: het woor namelijk oetgenuëdigdj om de act mit de hunj zelf oet te veure. En dit alles op het circusfestival det aafgeloupe waek gehaoje waerdje op 't Greuske.

Nao ein väörbereijing van ettelikke maondje woor het moment suprème den eindelijk gekomme. Ellen, in ein sjoan circus pekske, leet de hunj in alle stènj en posities staon, get wo mènnig circusartiest nog get van kèntj lière. Het publiek woor den auch dolenthousiast waat mit ein applaus van zon half oer waerdje bevestigdj.

Ellen zuutj ein carrière in het circus bès waal zitte. "Väör het geldj hoof ich het neet te doon, mer de hundjes make det allemaol good", aldus Ellen mit eine breije lach op het gezich.

Gazetto della Kwatsj zal eeder waek in de rubriek "Biejzunjere minse" Ellen op de voot volge.

 

Ellen al lachendj om het gelökdje kunske.
Repke Tepke 2009 (Bart Golsteijn - thambar@xs4all.nl)