jaor van oetgaaf: 2005

leukheidsfactor:  
 
Prins Jos greutj oet tot nationale held
 

Mit ein vernuudje versie van ziene sjlager 'Rap nao d'n Tap', haef Prins Jos auch de theaterrunj van Idols mit glans gehaoldj. 'Ich veul mich noe al eine echte Idol', aldus eine lachendje Prins Jos.

Prins Jos, dae audisie deej in Gebrook, toen de Idols-karavaan dao gelandj woor, is noe al oetgegreutj tot nationale volksheld. Mit zien vertolking van ziene sjlager 'Rap nao d'n Tap' witj d'r zoawaal jonk en awd väör zich te wènne.

De jury is vanaaf het begin den auch laajendj enthousiast äöver hem. Mit oetsprake es 'ich zeen hem es echte Idol', 'waat ein lekker dènk' en 'hae witj het publiek ech te boeie' is d'r oetgegreutj tot kanshöbber nummer 1 om het programma te wènne. Naeve zien Idols-optraejes is de Prins auch dök te bewondere biej de Stoba en in Goirle, wo d'r väör ein habbekrats optreutj. 'Ich probeer waal zoa normaal te blieve' geuftj d'r zelf aan, 'net es Frans Bauer'.

Het bliektj mer weer wiej gewildj Prinse in het landj zeen. Jos haef het zoa erg drök det d'r aanbiedingen van onger angere Oprah en David Letterman naeve zich neer mot ligge. 'Ich haoj alles mer ieës nationaal', aldus de Prins.

Väöral het nummer 'Rap nao d'n Tap', ziene orginele sjlager van de Prins en Repke Tepke, sluitj aan biej het groate publiek. Het nummer ligtj den auch erg lekker in de mondj en is gewuen mekkelik mit te blaere. Bönnekort komme de ieëste CD's biej de winkels bönne, wovan eederein den auch hoag verwachtingen haef. Naeve de knaller 'Rap nao d'n Tap' staon dao auch nummers op es 'Ech mien stedje', 'Ech waor?' en de nuuje sjlager van dit jaor.

Sinds vörige waek bezitj Jos auch äöver ein schitterendje webpagina (www.prinsjos.nl) en daonaeve begintj de merchandising al good op gang te komme. Biej de Blokker ligge biejväörbeeldj al placemats, tejjere, mokke en vlegskes van de Prins. De spandeuk en stickers zeen nog in de maak.

Door al dit gedoons, volge weer de Prins den auch op de voot. Volgendje waek mië nuuts...

 

Prins Jos mit ein van zien oetveuringe van 'Rap nao d'n Tap'
Repke Tepke 2009 (Bart Golsteijn - thambar@xs4all.nl)