jaor van oetgaaf: 2005

leukheidsfactor:  
 
Laurie mit groep 5 op sjoalreis
 

Oos Laurie vanne Slek woontj noe in Veltwezelt op kamers mit Sven en studeerdj in Mestreech. In haere vrieje tied speeltj het saxofoon biej Repke Tepke en knutseltj het hiej en dao get inein. Es het den nog tied äöver haef, beoefentj het haere sjoonste en leukste hobby: spelen in de speeltuin!

Laurie vèndj dit al geweldig vanaaf det het nog eine kleine kleuter woor. Het woor den auch daag en nach te vènje in eine speeltuin. Ieës in Toar, daonao op 't Greuske wo eine sjoan klömtoren stong.

De hobby van Laurie is doorgesjemertj aan Basissjoal oppe Slek en diej ging toevallig aafgeloupe waek op sjaolreis mit groepje 5. Het hoofd van de sjoal haef Laurie persuënlik benaderdj om te vraoge of het mesjiens zin haw om mit te gaon. Gein moeilijke vraog väör Laurie, natuurlijk ging het mit!

Aafgeloupe dènsdig zeen ze mit ein heuse touringcar, inclusief bubbelbad en bioscoopzaal nao 't Hènge gereeje om dao nao de speeltuin te gaon. Aangezeen dit effekes vaare woor höbbe ze ongerwaeg spelkes gekaartj en allemaol nao de extra lang DVD van Teddy Rukspin gekeeke. Toen dees aaf woor geloupe woore ze gelökkig aangekomme in de speeltuin.

Eederein rendje de bös oet en begoos te spele...Laurie rendje väörop. Ze höbbe zich hiej den auch van 's mörges vreug tot 's aoves laat kostelijk geammezeerdj. Auch zeen d'r ein aantal foto's gesjaote, woo dees ein van is.

Om  5 oer zeen ze nog ein lekker frietje majjenais biej de Blawwe gaon aete en zeen hoeswaarts gewaes. De basissjoeal haef Laurie noe al aangebaoje om volgendj jaor weer mit te gaon. Den gaon ze oppe Hoeagstraot voetballe.

 

Hiej zitj Laurie in eine speeltunnel. Lènks zuus se Mi-Mi Re.
Repke Tepke 2009 (Bart Golsteijn - thambar@xs4all.nl)