jaor van oetgaaf: 2005

leukheidsfactor:  
 
Foute sjampoo in Kèrspakket
 

Sjèlberg, 10 fibberwarie 2006.

Elroy, sjlaagwerker van os, krigtj mit de Kers altied ein groat en zwaor Kerspakket mit vanalles in. Kieës, woos, snoep, chips, flesse wien, zeip en auch sjampoo.

Op dae sjampoo is d'r altied gek, want Elroy is bès eine ijdel aangelaege man. Hae wasj zich eedere daag en ruuktj auch altied lekker (behalve nao kebab mit knoflooksaus). Hae haef ziene sjampoo oet het Kerspakket den auch direct in gebroek genomme. Het koom perfectj oet, want ziene eigen sjampoo woor net op!

Het geitj hiej om de sjampoo van merk Sjampidepampi, gemaaktj in China. D'r zitte bamboe-, vanille- en beerextracten in, aangelèngdj mit ein toefje whiskas. Vanaaf de Kèrs is Elroy ziene nuuje sjampoo den auch al aan het gebroeke tot d'r dees waek opèns tot ziene groate sjtrik tot ein ontdèkking koom! Toen hae 's mörges wakker waedje en nao de WC moos, keek der in de sjpeegel en zoog det zien haor tot bienao op ziene boek koome! Hae zoog ech oet wiej eine Neanderthaler.

Vlot ging hae den auch nao Ludo, dae hem alles aafsjoor. Alles! Pries: 25,00 euro. De daag derop....weer nao de WC: weer haor tot op zien zökke! Weer nao Ludo.

Toen dit in gans Pey en Ech rondjvertèldj woor is in het scheikundelokaal op het Bissjoppelijk Colleesj wetensjappelik beweze det dit nog zo'n 3 maondj doorgeitj. Dit omdet Elroy dae sjampoo al vanaaf de Kers aan het gebroeke is. Waarsjienlijk woor de Whiskas slech: mit stöskes fruit in plaats van de normale mit vèrkesvleisj.

Elroy haef zich daorom op zien werk ein sjoan gestroumliendje tondeuze gekoch wo d'r zich eedere daag mit kniptj. Onlangs is d'r al benaderdj door eine onbekèndje kapper oet Ech, dae ein fotoreportaasj van hem wiltj make.

Van ooze correspondentj oet Pey. Terök nao de studio.

 

Hiej dae erme Elroy mit zien haor
Repke Tepke 2009 (Bart Golsteijn - thambar@xs4all.nl)