jaor van oetgaaf: 2006

leukheidsfactor:  
 
Veni, Vidi, Risus
 

Ooze held op zök, Awd-Prins Bastiaan den I-ste, is bezaete van geschiedenis. Hae studeerdj den auch aan ein van Neerlands slechtste hoagesjoale (Fontys) in Zitterd väör geschiedenisliëraar. Dit vèndj d'r zoa sjoan, det hae auch nog èns alle leeje van Repke Tepke hiejäöver vertèldj.

Väöral nao ein paar half-om brandj d'r los mit verhaole äöver de Middeleeuwen, de tied det de waereld nog plat woor en neet te vergaete: de tied det de gladiatoren nog vochten in eine oetverkochte arena in Italië.

Toendertied hawwe ze waarsjienlijk al marketingvakke op sjoal, want het stadion woor altied oetverkoch en de stökke broad mit vèrkes aan het spit ginge wiej wèrm bruëdjes (mit vèrkes aan het spit) äöver de toeanbank.

Noe haef ooze versjlaaggaever Bart de Apekop èns in de geschiedenisbeuk van Mersj gelaeze en tot zien verbazing veel dem op det eine bet-bet-bet-äövergroatopa van Bastiaan zelf eine gladiator woor. Nao daag te höbbe gezoch op internet, is gebleeke det zelfs ein teikening hiejvan is gemaaktj door eine keizer in dae tied. Dees teikening is rondj 23 väör Christus gemaaktj en weurdj bewaardj in het nationaal museum van Roame, Italië.

Bastiaan en Bart zeen daorom op paad gegange en höbbe via de ultragoodkoupe reismaatsjappiej 'VleegWeg-WegVleeg' ein reis nao Roame gemaaktj om dees teikening te gaon bekieke. Einmaol aangekomme op het vleegvèldj van Roame zeen ze ieës nog door gegange nao het stadion in Turijn, wo Bas' zien favoriete club Juve mos speele taege AC Milan. In de rös stong het al 1-5 (en Ibrahimovic road door eine ellebaog) en daorom höbbe diej 2 väörtiejig het stadion verlaote.

De daag derop zeen ze den auch gaon door wo ze väör gekomme woore: de teikening bezichtige in het museum van Roame. Biej aankomst bleek al det ze hiej ein fiks bedraag moste betale om bönne te komme. Aangezeen ze allebei geine cent mië hawwe höbbe ze dao ein nummerke gespeeldj. Bas op hoorn en Bart op trompet. Dit klonk bliekbaar zoa sjoan det ze direk bönnegelaote waerdje en linearecta de teikening moogdje zeen.

Bas koos zien gelök neet op toen hae eindelijk de teikening van kortbiej moogdje aansjouwe. Het woor effe ein raar moment want dae bet-bet-bet-äövergroatopa van Bas leek es 2 dröppels water op hem. Of eigenlijk: Bas leek es 2 dröppels water op hem.

Foto's make moogdje helaas neet mer het woor waal ein aangenaam verrassing toen bleek det eine bekèndje fotograaf oet Italië dees teikening hej gedigitaliseerdj. Hae haw het zoa bewèrktj det het op ein echte foto leek. Dees foto haef Bas den auch op zien hotmailadres toegezonje gekreege en dees stuitj den noe auch hiej in de Gazet.

Het bleek zelfs det dae lang-geleeje-opa van Bas ein eigen spreuk haw. Veni, Vidi, Risus, waat beteikendj: Hij kwam, zag en lachte...... weer ein äövereinkoms mit dae kleine Bastiaan van noe. Serieus, mer zoa gek wiej ein däör...!

 

Repke Tepke 2009 (Bart Golsteijn - thambar@xs4all.nl)