jaor van oetgaaf: 2006

leukheidsfactor:  
 
Sven Heijman nuuje James Bond
 

Groat nuuts in Hollywood-landj! De zeuktoch nao eine nuuje James Bond is eindelijk gelöktj! Het aug is gevalle op de nette, sjarmante Sven Heijman oet Brach-Baek (door de waek Veltwezelt).

Sven is gespotj door eine filmscout toen hae biej de frituur oppe hook van zien kamer in het Belsje Veltwezelt ein lekker frikkedel speciaal en eine kaassoufflé ging haole. Sven woor net terök van ein optraeje mit Repke Tepke en leep verklèdj en al äöver de straot. Laurie en Sven verrèkdje allebei van de honger en daorom woor Sven net op waeg om get hertigs te haole väör hun beide.

De scout zoog Sven woor direct onger de indrök van hem. 'Dae kaerel is net, sjarmant, good geboewdj en haef ein perfecte oetstraoling om de nuuje 007 te waere', aldus filmscout S. Spielberg jr. Sven woor erg ontdaon toen hae het gooje nuuts te huëre kreeg, en is per direk samen mit Laurie mit eine privéhelicopter aafgereisj nao Hollywood. Hiej is den auch zien ieëste foto es nuuje Mr Bond gesjaote.

De crew van de nuuj Bonfilm wiltj het deze kieër äöver eine nuuje boeg goaje. 'Weer wille vernuujing, zoawaal in de film es in de acteurs' gaeve ze aan. Daobiej zal het oeterlijk van de nuuje Bond verangere. Zoog de aoje 007 nog oet wiej ein opgemaakdje poedel mit strang de haor achteräöver, vanaaf noe haef Bond ein paarse pruuk op en schmink op het gezich.

Volgens de regisseur mot de nuuje Bond get 'vrouwelikkere trèkskes' kriege diej nog baeter biej het groat publiek in de sjmaak zulle valle.

D'r weurdj vanoet gegange det Sven volgendje waek het contract teikendj väör mer leefs 7 Bond films ter waarde van 5 miljoen euro. Waal gaon de geruchten det hae dit allein mer duitj es de codenaam van Mr Bond verangertj van 007 nao 0011.

 

Hiej Sven es 007 mit zien ieëste echte Bond-foto
Repke Tepke 2009 (Bart Golsteijn - thambar@xs4all.nl)