jaor van oetgaaf: 2006

leukheidsfactor:  
 
Onbekčndje naakse vent op Times Square
 

- New York - zaoterdigaovendj.
Gisteraovendj (vriedigaovendj, red.) is op Times Square in New York ein eine onbekčndje naakse vent opgepaktj nao ein lang klopjacht. Rondj lunchtied woor deze van-top-tot-teen-en-nog-get-naakse vent väör het ieës gesignaleerdj toen hae zich biej ein kebabtent tegooj deej aan de spies kebab diej lekker hong de braoje. Het ging zoa in het werk wiej diej ridders det deeje in de Middeleeuwen; aete es-of se 2 maondj niks mië höbs gehadj. De baas van de kebabtent (Frits el Spieso) haef de naakse vent mit eine baezem achternao gezaete en volgens eigen zčgge flink toegetakeldj op zien vot. 'Diej woor bontj en blaw', aldus el Spieso.

De naakse vent woor nao dees vertoaning het gesprek van de daag en lanjelikke tillevisiezenders zeen toen auch drök in de waer gewaes. Op eedere zende woor via beelje oet helicopters te zeen wiej New York oetgespitj waerde om de 'onbekende' naakse vent op te spaore. De inwoners van New York kooste dit echter neet op pries stčlle aangezeen ziej hiejdoor hun favoriete tillevisieprogramma's mooste misse. Diverse ongervraogdje goove aan het erg te včnje B-series es 'as the World Turns' en 'Supervising' (Oppassen, red.) te motte misse. Dit brach maenige inwoner op het idee om op straote te gaon zeuke nao dees 'nog anonieme' naakse vertuëning. Op det moment koos zelfs de plisie het zootje neet mië in het gareel haoje en ein klopjacht woor het resultaat.

Rondj 23.00u is de naakse kaerel nogmaals gesignaleerdj net väörbiej Times Square. De meute van zo'n 1.000.000 woeste en opdringerige minse haef toen de achtervolging ingezatj. En mit succes. Rondj 23.05u is de onbekčndje naakse vent taege de vlakte gegoadj en toen zon 500 man op hem in spronge woor dudelijk det hae eindelijk gesnaptj woor.

Ein paar seconde väördet de naakse man taege de vlakte ging is ein foto gesjaote door papparazzifotograaf R. vanne Theuler, dae toevallig aanwezig woor wegens verplichtingen. Dees foto is noe waereldwied gepubliceerdj op de identiteit van de -nog steeds- onbekčndje naakse man te achterhaole.

Höbs geer tips of herkčntj geer deze man? Num den contact op mit de redaksie van dees gezet of bel nao 0900-sterretje-hekje.

 

Hiej de (nog) onbekčndje naakse man
Repke Tepke 2009 (Bart Golsteijn - thambar@xs4all.nl)