jaor van oetgaaf: 2006

leukheidsfactor:  
 
Roel begintj zien eigen Kebabtent
 

Oos nuuj aanwèns, Roel Golsteijn, haef ziene groate druim eindelijk verwezenlijkt. Hae is in Übersmäkelä in Finland ein echte kebabtent begosj mit hetzelfde concept es zien favoriete tent in Ech: de kebabtent van Frits.

Roel is geïntereseerdj geraaktj in kebab en sauzen väör biej de kebab toen hae ein aantal jaor geleeje väör de ieëste kiër biej Frits koom. Hae woor direct verkoch, woodoor hae eine echte leefhöbber van alles waat mit kebab te make haef, is gewoore. Roel woor den auch waekelijk, es het neet dagelijks is, te vènje in de kebabtenten van Ech. Mer het leefste oot d'r biej Frits. 'Niks is zoa lekker es ein bruëdje of sjottel kebab mit flink väöl knoflooksaus', aldus Roel.

Mit zien spaarcenten van de Janne is Roel begin deze maondj nao Übersmäkelä in Finland aafgereisj om dae ein eigen tent te beginne. Hae haef dao auch eine echte assistent aangenomme in de vorm van Pablo, dae de kneepkes van het vak kèntj. Letterlijk en figuurlijk, want Pablo is geine echte. Geine kaoje. Euhm..eine angere. Nou ja, geer witj waat bedoeldj weurdj. Op dit moment loupe de zake geweldig aldus Roel. Zien menukaart wurdj in de toekoms nog oetgebrèdj mit kebabspecialiteiten. Noe bestuitj de menukaart oetsloetendj oet ein klein of groat bruëdje kebab mit knoflooksaus. Eventueel kan d'r ein bliksje Präöstebäëre biej genuttigdj waere.

Bönne Repke Tepke wurdj momenteel al drök oetgezoch of het mögelijk is om bönnekort ein bezeuk te brènge aan Roel en zien tent. Eederein kan neet wachte om zien groat bruëdje kebab mit väöl knoflooksaus oet te probeere.

Aldus de redaksie. Na wij dachten.

 

Hiej Roel aan het werk mit op de achtergrondj Pablo, ziene helper
Repke Tepke 2009 (Bart Golsteijn - thambar@xs4all.nl)