jaor van oetgaaf: 2006

leukheidsfactor:  
 
Het 'gouje duo' op WK sjörskèrvaare
 

Het 'gouje duo' van het sjörskèrvaare. Zoa waere Frank 'Frenkieboy' Ophelders en Roy 'dae vanne Theuler' Thoolen auch waal genumtj hiej in Hollandj mer auch wuud daoboete.

Frank en Roy zeen toen ziej nog hiël klein woore, same begoosj mit het vaare in ein sjörsker. Neet lètterlijk vaare, mer vaare wiejs se det in het Pejjer plat bedoels en auch zaes. 's Mörges, 's middes, mer auchj 's aoves toen maenig femielje nog aan de greuntesop mit kroetons zoot, sjäördje diej twië äöver de Raod van de Dörpstraot wo Frank woontj nao de Slek wo Royke woontj. Zien voore en voore, en het koos neet vlot genog. Wanjeliërs en minse mit hunj vonje det altied laeversgeviërlijk. "Diej jung die vaare zich nog èns ein baek in" waerdje dökker gezag.

Toen in 1990 het sjörskèrvaare ein olimpiese sport waerdje zeen ziej direct op les gegange. Hun bekwaamheden waerdje baeter en bönne 5 jaor drèjdje Frenkie en Theuler mit op topniveau. Volgendj jaor waere in Sydney de Waereld Kampioensjappe 'Sjörskèrvaare' gehaoje en oos 'gouje duo' haef zich dao 2 waeke geleej op de Europees Kampioensjappe in Sjotlandj väör gekwalificeerdj. Mit eine verbluffendje tied van 5 oer, 3 menuut en 32 second höbbe ziej eine nuuje toptied neergezatj op de baan in Sjotlandj en zich direk gekwalificeerdj väör het WK in Sydney. Roy dae rèndje zoa hèl mit de sjörkèr det Frank nao de finish direct nao de WC moos om zich ein nuuj ôngerboks aan te doon. Helaas väör hem haw hae mer ein boks mitgenomme nao Sjotlandj; en diej haw d'r noe net aan.

Fans en anger geïnteresseerdjen kènne zich noe al opgaeve väör kaerjes van het WK van volgendj jaor. Dit kan zoawaal online op de website van oos gouje duo es via de tillefoon op het nummer oet het tillefoonbook.

Es geer ôngerbokse wiltj doneren aan Frank en mesjiens auch aan Roy, kèntj geer taeves kontak opnumme mit baovestaondje gegaeves.

 

Hiej oos 'gouje duo' net nao de finish in Sjotlandj
Repke Tepke 2009 (Bart Golsteijn - thambar@xs4all.nl)