jaor van oetgaaf: 2008

leukheidsfactor:  
 
Martial arts Niels in nuuje Mortal Kombat
 

Waem wis det Niels Golsteyn, Repke Tepke lid in hèrt en neere, verfant Martial Arts oetveurder is? Nou, es geer dit laesj, den witj geer det dus vanaaf noe. Niels haef namelijk al jaore zien eige commodo (kimono, kammino, of wie det auch moog heite) in het tuinhoes bie häöm thoes. Hie beoefentj hae de sjoonste, geweldadigste en auch gevieërlikste vechtsporten ter waereld.

De makers van Mortal Kombat oet Amerika zeen via de repketepke.nl website bie Niels oetgekomme. Zie höbbe hem toen eine breef gestuurdj mit ein oetnuuëdiging om bie hun op het hoofdkantoar lang te gaon in The US of A. En det haef Niels gedaon. Bie bönnekomst waerdje hae direk bekogeltj mit ein spervuur aan badmintonpupkes, wonao eine kanonskogel op hem waerdje aafgevuurdj. Niels, behèndig wie d'r is, haw totaal - mer den auch totaal- gein problemen mit deze aanval. Hae looj zich op met ein speciaal handjbewaeging en vuurdje ein supersonich blaster-shot aaf op zien opponenten. Het ganse kantoar is vervolgens in as gelag, wo Niels bönnekort trouwens nog väör nao de rechtbank mot waegens ongeoorloofdj gedraag. Het is mer det geer het witj.

Mer good, de directeuren van Mortal Kombat woore onger de indrök en de komst van Niels bevestigdje hun idee: Niels zoew en moos ein nuuj karakter waere in hun nuuj Mortal Kombat spel: Mortal Kombat Alternate Warriors IIII (nae neet IV). Niels haef det aanbod den auch mit beide hènj aangenomme en woor zoa door het dolle haer det hae 50 väörbiegengers op het gezich tummerdje. Die actie höbbe ze direct es "speciale aanval" aan het karakter Niels in Alternate Warriors IIII toegevoegdj.

Het spel is vanaaf volgendje waek te koup bie de baetere speelgoodwinkels. Op dit moment circuleren in eeder geval al versjillendje screenshots van het nuuj spel op internet. De redactie van dees gezet haef de handj kènne ligge op ein speciaal screenshot. Hierop maaktj Niels ziene taegestènjer KO mit ein speciale truc, genaamdj de "super-blaster".

 

Hie vuurtj Niels eine super-blaster aaf op ziene taegestenjer!
Repke Tepke 2009 (Bart Golsteijn - thambar@xs4all.nl)