jaor van oetgaaf: 2008

leukheidsfactor:  
 
Maickel en de Frikkedelledrank
 

Dikke trom houwer Maickel van Ommen is eine echte laevesgeneeter. Hae moog auch waal Boergondieër waere geneumdj, volgens insiders. Zien lievelingsaete bestuitj - net es väöl angere leeje van Repke Tepke - oet frikkedelle. Frikkedelle speciaal, frikkedelle mit friet, frikkedelle mit nasi en riest; het maaktj hem allemaol neet oet. Naeve zien passie väör frikkedelle haef hae auch ein passie väör lekkere drank. En het leefste is det beer, of zelfgemaakdje cocktails. Zoa is hae eine echte leefhöbber van Sex-on-the-Beach (neet allein de cocktail) en de Blue Lagoon. "Mit van die leuke parapluukes", aldus Maickel zelf.

Naodet Maickel door de waek 's aoves laat thoeskoom, veel hem get in. Waat zoew ein combinasie van beide lekkernijen tewaeg brènge. Dju! Eine Frikkedelle Cocktail! Het klinktj mesjiens vies en vettig, mer det is het neet! Sinds det moment is Maickel eedere daag aan cocktails van frikkedelle en drank aan het make!

"Het recept is doadeenvoudig", vertèltj de keesveese Willie Wortel van de cocktail. Doe zits de frietekaetel aan, goats get frikkedelle derin en baks die tot ze beetgaar zeen.Volgens Maickel kèns se dökker variëren door beväörbeeldj get kieës in de frietekaetel d'r biej te goaje of direct al de majjenaise mit te braoje. Mer det terzieje. Es die frikkedelle den klaor zeen, priks se die door mit eine lange sjroevedrèjjer. Gelökkig stuitj bie Maickel thoes de frietekaetel in de graasj, dus dae sjroevedrèjjer is zoa gepaktj.  "Den mosse die frikkedel net neet gans door prikke", vundj hae. "Want anges löptj dich alles deroet äöver dien nuuj spijkerboks....". Daonao paks se eine likeur nao keuze en goats dem zoa vlot mäögelijk in die frikkedel. Det is de ieëste kieër nog neet zoa gemekkelijk, merktj auch Maickel zelf op. Hae haef ongertösse al 11 nuuj spijkerbokse motte koupe, en stuitj zelf de lèste tied mer van iëlènj in zien bloate vot cocktails te make. "Mer väöral blieve probeere!", raodj hae aan. Naodet de likeur in de frikkedel zitj, mots se eine vinger op de frikkedel ligge en 5 menuut sjödde. Daonao effekes de keulkas in mit het ganse zootje, der weer oet pakke, rietje en parasolke derin en geneete mer!

Maickel beedj op dit moment vief versjillende sjmake aan: frikkedel-passie, frikkedel-beer, frikkedel-wien, frikkedel-apfelkorn en frikkedel-saki. De spiksplintjernuuj cocktails waere auch in speciale gesjènkverpakkinge geleeverdj, esse net det bietje extra wils gaeve op eine verjaordig of trouwerie. Bönnekort lanceertj Maickel zien ieëste marketingcampagne. Patent is reeds aangevraodj en aafgegaeve.

Bönnekort mieë äöver dit lekker nuuj en innovatief cocktailtje. Maickel bedanktj väör de mitwèrking aan dees gezet! Terök nao de studio....

 

Hiej Maickel wo hae ziene Frikkedellecocktail lekker wegslurptj
Repke Tepke 2009 (Bart Golsteijn - thambar@xs4all.nl)