jaor van oetgaaf: 2008

leukheidsfactor:  
 
Lord of the Rings IV - De Vief Wasviever
 

In 2022 is het zoawuud. Nog het ongeluifelijke succes van de Lord of the Rings Triologie, kömtj het veerdje en lèste deil oet van dees spectaculaire filmreeks. De miljoenenopbrengendje reeks wurdj den in ein compleet nuuj jèske gestaoke, mit auch eine compleet nuuje cast. En väör de hoofdrol (de Käöning Aragorn) is nemes minder es ooze eigen Prins Frank I van 2008 benaderdj en gecontracteerdj.

Frank wurdj in de film- en theaterwaereld momenteel aan-de-loupendje-bandj geroemdj om zien sterke personages, hilarische moppen en stoer oeterlijk. Mit dees vief componenten is hae den auch de oetgelaeze acteur om de nuuje Aragorn te vertolken (red. vertolkien). Ongertösse is Frank al nao Australië aafgereisj wo de ieëste shots van de film zeen opgenomme. De film geitj äöver zeiverzèk in Midden-Aarde. Nao het spectakel en de actie van de ieëste drie fims, wiltj de regisseur deze kieër get mië dialoogspel. Daorom zeen ein aantal vrouwluuj ingesjakeldj die nogal gaer kalle. Namen waere effe boete besjouwing gelaote... Aragorn geitj hie vervolgens de strijd mit aan, omdet hae vundj det d'r mer eine väöl moog kalle, en det is de Käöning van Midden-Aarde. Het is trouwens auch toepasselijk det de Prins eine Käöning vertoltj.

Kiekendj nao het script van de film, hèrtj de film Lord of the Rings IV hètj den auch neet väör niks "De Vief Wasviever". Bönnekort zeen de trailers te zeen op de autowaeg, en de väörfilmkes in de bioscoop en op internet. Names de redaksie van dees gezet wènse weer Prins Frank väör acteerplezeer en -succes!

 

Hiej Prins Frank I es hoofdrolspeler in de Vief Wasviever
Repke Tepke 2009 (Bart Golsteijn - thambar@xs4all.nl)