jaor van oetgaaf: 2010

leukheidsfactor:  
 
Bastiaan op Star Wars festijn
 

Het woor èns in 1991. Kleine Bastiaan mit zien groate bril woor allein mer bezig mit Star Wars. De ganse daag door leep hae op de badkamer rondj mit ziene hoorn en speeldje hae het Star Wars thema. Tot vervaelens toe, auch väör de bure. Mer det maakdje kleine Bas niks oet, want hae woor FEN!

Noe, in 2010, is Bastiaan nog steeds fen van alles waat mit Star Wars te make haef. Aafgeloupe zomer is hae zelf nao de offisjeel Star Wars dage in Canada gegange. Dao woor ein beurs van en väör Star Wars gekken, Star Wars fanate en Star Wars verzamelieërs. Ein waek lang allein mer Star Wars, de ganse daag door. Aoj minse van in de 50 leepe dao oetgedosj es Dartj Vader rondj mit eine leegsabel, anger minse deeje net esof ze dae gekke robot wore. Auch Bastiaan woor natuurlijk verklèdj aanwezig, es nemes minder es Princes Laila.

Het sjoane aan het tripke is det Bastiaan zelfs ein sjoan verhaojing d'r aan haef äövergehaoje. Op 't midde van de waek waerdje namelijk dudelijk det eine groate, sterke Darth Vader waal ein uigske op hem haw. Det woor mit name herkenbaar door het gezwej mit ziene leegsabel. Bastiaan is dae natuurlijk direk op in gegange, al waerdje nao ein paar oer dudelijk det dae Darth Vader zien rol waal erg serieus noom. Hae woor namelijk net wie in de film, erg aanwezig en bezitterig. Die ganse waek haef Bastiaan zich vervolgens es marionette motte bewaege samen mit 'ziene' Darth Vader. Hae woor den auch blie toen op vriedigaovendj de boat vertroch richting 't Julianakanaal nao Ech.

De redakse haef ein sjoan foto van Bastiaan weite te bemachtige. De foto is waarsjienlijk op donderdig genomme, net naodet ze de rollenspellen in ginge op de beurs. Mieë informasie in ein volgende artikel! 

 

Hie Bastiaan mit zien nuuj vlam
Repke Tepke 2009 (Bart Golsteijn - thambar@xs4all.nl)