Tant Triene höbbe weer liëre kènne tiejens de Echter Kirmes in oktoaber 2006. Zie woor ein geval apaart en aangezeen zie in hunne vriejetied nog get sjreef hie en dao, koos zie mesjiens ein aanvöllig zeen op dees website. D'r is begin 2007 den auch mit häör aafgespraoke det zie get kollums zoew sjrieve, väör op dees sjoan site.

Zoa gezag, zoa gedaon. Tant Triene haef ein 7-tal kollums geproduceerdj en dees zeen allemaol nog te laeze. Kiek mer ens hiejonger en aansjouw zelf waat ein gebraggel die op papier kan zitte. Nao 3 jaor te zeen ongerdaoke haef zie in 2010 de draod weeropgepakt. Mit ein nuuj serie kollums waal te verstaon die geer auch hiejonger kèntj bewonjere!

 
 
 
Jaorgank 2014: Prinsenkollum |
 
Jaorgank 2010: Kollum 1 | Kollum 2 | Kollum 3 | Kollum 4 | Kollum 5 | Kollum 6 |
 
Jaorgank 2007: Kollum 1 | Kollum 2 | Kollum 3 | Kollum 4 | Kollum 5 | Kollum 6 | Kollum 7 |
 
't Griene van Triene
 
Waat laes ich noe in ’t Gastebook oppe wepsait van RepkeTepke? “Zoa! Tant Triene is weer trök van weggewaes. En het is deze kieër weer net zonne sjaele zeiver es de väörige kieër.” Volges mich gesjreve door dae lange tomateblónje. Zoa mótj geer mer beginne! Mien intellectueel bespegelinge neerzitte es “sjaele zeiver”. Höbtj geer ze nag allemaol op ein riej? Ómdet ich ein klein hertje höb zal ich ’t dees reis door de vingers zeen, mer nag eine kieër zónne stómme wazel op eur wepsait en geer kéntj uch ein eike kloppe. Den gaon ich miene kosbare vrieje tied neet langer verknoaje aan wetensjappelike kollums die toch neet begrepe waere door die luppetrulle van det feeporkes det zich RepkeTepke numptj.
 
Nach effe trök kómme op mien aanstaondj Prinsessesjap. Geer zeentj te laat en höbtj naeve ’t pötje gepistj. Zate Hermenie BoemPaafPaaf oet Urk haef mich gevraogdj óm bie hun Prinses te waere en die hawwe zón geweldig aanbod det ich det neet kós weigere. Väör eder aktiviteit van die klup waer ich mit eine vésserskotter, dae aanmeertj inne Middelsgraaf, opgehaoldj en nao aafloup natuurlik aug weer nao hoes gebrach. Bie uch haw ich natuurlik zelf mótte oetvogele wie ich bie de festiviteite koom. In Urk krieg ich bie eder evenement veer kieër ein bótram mit pindakieës en es ich weer heives gaon krieg ich eine kilo paling mit. Bie uch haw ich de bótramme natuurlik zelf mótte mitnumme. Ómdet ze in Urk allmaol vanne blawwe knoap zeen en tiedes de aktiviteite dus neet gezaope moog waere zeen ze dao hieël rojaal mit de konsumpsiebónne. Ich krieg d’r eders kieër 250. Bie uch haw ich die lómmele natuurlik zelf mótte koupe. Bie ZH BoemPaafPaaf krieg ich väör eder bieeinkóms ein nuuj Prinsesseklédje. Bie uch haw ich mich van eine aoje aerpellezak natuurlik zelf get inein mótte flanse. Väör eder optraeje in Urk krieg ich ein sjaon finansjeel vergoeding. Bie uch haw ich de ganse Zate Hermenie natuurlik vrie mótte haoje.  Taege zón sekundaer arbeidsväörwaarde wie dao in Urk kén se natuurlik gein nae zégke! Jaommer väör uch mer geer zóltj uch aug dit jaor weer mótte behelpe mit eine Prins/Prinses dae nach neet inne buurt van miene sjaduuw kéntj staon. Hadj geer mer eder mótte reagere op mien sjitterendj aanbod! Soppegreun det geer zeentj!
 
Verder höbbe ze mich aug weer gevraodj óm Prinses te waere in ’t bejaardehoes in Ech. Det doon ich gewueen d’r bie went det is neet zoaväöl werk. Ich hoof mer twieë kieër paraat te zeen. Bie de installatie en bie ’t aaftraeje.
 
Eur tant Triene
 
Repke Tepke 2009 (Bart Golsteijn - thambar@xs4all.nl)