Tant Triene höbbe weer liëre kènne tiejens de Echter Kirmes in oktoaber 2006. Zie woor ein geval apaart en aangezeen zie in hunne vriejetied nog get sjreef hie en dao, koos zie mesjiens ein aanvöllig zeen op dees website. D'r is begin 2007 den auch mit häör aafgespraoke det zie get kollums zoew sjrieve, väör op dees sjoan site.

Zoa gezag, zoa gedaon. Tant Triene haef ein 7-tal kollums geproduceerdj en dees zeen allemaol nog te laeze. Kiek mer ens hiejonger en aansjouw zelf waat ein gebraggel die op papier kan zitte. Nao 3 jaor te zeen ongerdaoke haef zie in 2010 de draod weeropgepakt. Mit ein nuuj serie kollums waal te verstaon die geer auch hiejonger kèntj bewonjere!

 
 
 
Jaorgank 2014: Prinsenkollum |
 
Jaorgank 2010: Kollum 1 | Kollum 2 | Kollum 3 | Kollum 4 | Kollum 5 | Kollum 6 |
 
Jaorgank 2007: Kollum 1 | Kollum 2 | Kollum 3 | Kollum 4 | Kollum 5 | Kollum 6 | Kollum 7 |
 
't Griene van Triene
 

Ich begin wie langer wie mieë ’t geveul te kriege det ze äöver mich aan’t róddele zeen sins ich dae sjoane kollum op dees wepsait aan’t sjrieve bön. En det terwiel geine hóndj wétj waem ich eigelik bön, laot staon det se mich persuuënlik tegooj kénne. Ich zal dees waek ‘ns get äöver michzelf sjrieve zoadet geer inne toekoms tenminste wétj äöver waem det geer allerlei ónzin aan’t oetkraome zeentj.

Äöver miene laeftied gaon weer ’t neet höbbe went dae speeltj gein enkel rol. Gaontj d’r mer vanoet det ich awd en wies bön. In de ieëste gemengdje leger sjoal vanne aoj gemeindje Ech, en det woor die ane Hieërwaeg op Sjaelberg, höb ich mich vanaaf mien 32e jaor door pedagogische hoagvlegers allerlei belangrieke dinger aan mien verstandj laote peutere zoawie raekene, sjrieve en laeze. Väör zake wie gedraag, vlijt en netheid haw ich altied ein ach of ein nege!!! Zelfs väör godsdeens koom ich steevas mit ein good puntj oet de bös, óndanks ’t feit det ich de pastoar, dae det gedoons goof, altied ein zwaegelstekske tussen de knóp vanne claxon van ziene brómmer duujde wodoor dae klómmel de ganse buurt gek maakdje tótdet de batterieje laeg wore. Naodet ich alle klasse mit hieël good gevolg eine kieër of drie doorloupe haw, zag de meister det ich nao t’ gymnasium in Zitterd mós gaon en waat de meister zag det waerdje in dae tied gewuuën gedaon. Zelf wool ich eigelik lever gaon breije oppe hoeshoudsjoal mer ómdet de kčnjeremancipatie destieds nag op ein hieël lieëg pitje stóng is ’t oeteindelik toch ’t Kleesj in Zitterd gewore en det höbbe ze geweite dao!!! Nao de leger sjoal, die ich dus fluitendj mit twieë vingers inne naas haw aafgemaaktj (det moogdje auch waal op dae laeftied), höb ich in ’t middelbaar óngerwies eine ónoetwisbare indrök agter gelaote.

Op ’t Kleesj in Zitterd studeerdje ich vanalles, zelfs Grieks en Latien. Mer nao ein jaor of drie kreeg ich dao van óngerdirekteur-keplaon Niekella Bietsj, noe nag stieëds geistelik advizeur van Fortuna Zitterd wo ’t ouch neet ech good mit geit, ’t vruntjelik mer dringendj verzeuk óm toch mer get anges te gaon doon. Ich haw bie ein partieke volleyballe in ein vanne lang geng van ’t Kleesj mit eine smesj ach tl-buze van ’t plafóng aaf gehouwe en det sjeen neet te moge!! Det volleyballe woor eigelik de bekčndje dröppel dae de ummer deej äöverloupe. Eder haw ich al ein klein meiningsversjil mit de direksie gehadj äöver ’t akkefietje det ich inne les van De Sjaak (de Nederlands lieëraar) ’t klassebook gebroektj haw väör ’t staoke van ein kampvuurke aangezeen de verwörming woor oetgevalle en ich ’t kawd haw. Den mer nao de HBS haer, want op ’t Kleesj kós se alle kenj oet. Nao ein jäörke woor det fieës aug alweer aafgeloupe. Bie ’t voetballe (ich woor es vroumes ein vanne béste van ’t hieël Kleesj) oppe speelplaats ónger de pauze koom eine vrieje trap van mich via de roet inne weuning vanne direkteur terech en inne vluch noom de bal ouch nag eine sjoane kroanlugter mit dae dae mins netjes in ‘t midde vanne kamer haw opgehange. Ónger de pauze oppe speelplaats voetballe woor streng verbaoje, mer det kós ich natuurlik neet weite.

Oppe Niek Bekkers MULO in Zitterd begós ich aan ein volgendj avontuur. Ich richdje dao ein sjoalparlement op, wovan ich zelf natuurlik väörzitter waerdje. Aan die oprichting ging ein echte verkezingskampanje väöraaf mit affiesjes, toesprake oppe speelplaats en mieë van det gehóddel. Ómdet ich de énige woor dae vanaaf eine voelnisummer de anger studente opreep óm toch väöral op mich te stömme koom ich es groate wčnnaar oet de bös. Ich haoldje mieë es 250 stumme en degene dae nao mich koom haw d’r 17 kčnne rule taege slňk en sigrette. Nao ein half jaor haw ich in dae toko mieë te vertčlle es de directie en ’t hieël personeel biejein. Bönne ein jaor haoldje ich mit lof ’t MULO A en B diploma tegeliek.

En toen op nao de Kunsakademie in Mestreech!! Ein paar jaor lank reisdje ich mit kunsbroeders oet Remunj en Nuujsjtadt aaf nao ’t zuide. Op ein gegaeve moment ginge weer edere mörge inne trein eine gölje opgoaje: ‘kop’ woor gewuuën nao de les gaon en ‘muntj’ woor ein bezeuk brénge aan ’t Tribunal, ’t bekéndjste studentekefee van Mestreech in dae tied. Naodet dae kunstemaeker oet Remunj toes eine gölje haw gemaaktj mit aan allebei de kenj ‘muntj’ d’rop woor ’t gauw gedaon mit mien artistieke carričre.

Zoaes geer hiebaove höbtj kénne laeze bön ich neet de ieëste de béste en ich snap den aug absoluut neet woróm det d’r opéns äöver mich geróddeldj weurdj. Haoj dao drek mit op en kloptj uch ein eike, stélke lómmelegezichter!

Aojao, weurdj det nach get mit det Prinses waere van mich bie RepkeTepke of zeentj geer weer zoa eigewies gewaes óm dao emes anges väör te vraoge? Geer doontj mer waat geer neet laote kéntj, mer geer krig d’r sjpiet van! Det gaef ich uch op ein óngefrankeerdj breefke det de pos uch zal bezörge!!

 
Repke Tepke 2009 (Bart Golsteijn - thambar@xs4all.nl)