Weer zeen Zaate Hermenie Repke Tepke en weer komme oet Pey. De Zaate Hermenie is eigelijk es ein grepke opgerichtj, mer det kentj ger in het ontstaon laeze. Toen weer einmaol begosj zeen mit meziek make, leep het vanaaf het begin direk super. Ech waor, weer vonje het leuk en de minse wo weer vaor speeldje vonje het auch super-sjiek. Mit mesjien get angere meziek ongesjeije weer os van de res van de Zaate Hermeniekes en det maaktj het mesjien auch zoa leuk. Eedere vriedigaovendj, es weer om half 8 biej de Stoba rippetere, vlug het daak d'er weer vanaaf. Geweldig!

Dit zeen weer aan de vaoraovendj van de Vastelaovendj 2009


Het prille begin
Oos Zaate Hermenie is klein begosj. Ten tieje van de oprichting woor Repke Tepke eine ganse Raod van Ellef biejein. In de aanloup nao de ieëste Vastelaovendj (2002) zeen dao nog get man biegekomme en mit dae Vastelaovendj hawwe weer 14 leeje: Bart Sevriens, Bart Golsteijn, Bas Stevens, Roy Thoolen, Frank Ophelders, Sven Heijman, Tommy Hopstaken, Roy Meuwissen, Bastiaan Vergoossen, Niels Golsteyn, Deborah Theunissen, Bart van Neer, Janou Beckers en es rammelesjangspeler Thijs Boonen. Nao de Vastelaovendj is Thijs aafgevalle. Rammelesjang spele woor toch neet zien dènk.

De vastelaovendj woor schitterend: in ein waord fantastisch. Zo'n belaevenis hawwe wer nog noats mitgemaaktj. Nao de vastelaovendj höbbe weer get nuuj leeje gekrege en dao woore weer natuurlijk harstikke bliej mit. Ger versterking is natuurlik noats weg, en daobie kome auch nog get vrouwluuj derbie!   Mit de komst van Ariënne Vossen, Harm Weijers, Ellen Scheijen, Maickel van Ommen, Laurie Nagelmaeker, Paul Coolen en oos einige echte Sfefan Goertz höbbe weer oos kepel oetgebreitj. Door de komst van dees nuuj leeje höbbe wer mieë instrumente gekrege. Hawwe wer iës trompette, ein vertieltrombone, ein sjuuftrombone, ein sax-tenor, eine hoorn, ein klein trom en ein dikke trom: nao de vrieje transfers hawwe weer dao ein cornet, klarinet, sax-alt, bariton en bongo's biejgekreege. Det maaktj het allein mer sjieker.. en det mot auch!

Het jaor 2003: Vastelaovendj en oos ieëste LKZH
In de Vastelaovendj van 2003 höbbe weer auch steun gekreege van ein nuuj lid in de vorm van John Schoenmakers. John träötte mit op bariton en het woor al eine bekèndje van os. Het woor namelijk al eder bekentj det hae lid van Repke Tepke zoew waere. 

In oktaober, op de 19dje om precies te zeen, zeen weer nao het Limburgs Kampioensjap väör Zaate Hermeniekes gewaes. Weer höbbe dao het daak vanne tent gespeeldj en het woor ein fantasties evenement! Het woor väor os jong bujele ein unieke ervaring om in zo'n groate tent väör zoaväöl publiek te spelen. Oeteindelijk zeen weer door de jury dae aovendj betiteltj es meist enthousiastste hermenie. Het woor eine aovendj om noats te vergaete. Al oos supporters (2 bösse in totaal) wore gans in het road en road haef het in Beeg gekluuërdj.  Kort hiejnao haef ooze kleine trom houwer, Bas Staeves, zich bedanktj. Dit verlees höbbe wer toch effekes motte verwerke en weer höbbe, auch nao oos geweldige LKZH, alles ein bietje op motte pakke. Väör het iërs in oos bestaon höbbe w'r meute motte doon om het allemaol ein bietje lekker te laote verloupe en de meziek te laote klinke. Gelökkig is de plaats van Bas opgevange door de fantastiese vent in de vorm van Paul Sonnemans oet Brach. Hae haef ein vas contract geteikendj en verdeendj eine aardige cent per waek biej os; eine gooje jong dus.


Oos optraeje in Beeg op oos ieëste LKZH

Weer es Zaate Hermenie zeen eine fantastiese groep same. Naeve de lol en het plezeer deile weer auch minder leuke momente mit ein. Det huuërtj d'r (helaas) in het laeve biej en det haef ooze bandj es groep allein mer sterker gemaaktj. Dit maaktj os eine apaarte groep en mesjiens is det waal waat os zoa speciaal en uniek maaktj...

2004 mit eine nuuje Vastelaovendj en LKZH in Zjwame!
Sinds januari 2004 höbbe weer bönne de zaate hermenie ein gruupke det alles es het ware regeltj. Dit gruupke bestuitj oet 5 man diej allemaol ein bepaaldje kantj van de vereniging ongersteune: Bart Sevriens (väörzitter), Bart Golsteijn (secretaris), Niels Golsteyn (penningmeister), Roy Meuwissen en Bastiaan Vergoossen . Zoa kenne wer sommige dinger zoaes activiteiten en meziek, mekkelijker regelen.

Oos 3dje jaor Vastelaovendj woor schitterendj. Mede door ooze keesveese Prins Bastiaan I in oos midde. Weer höbbe in totaal in drie optochte mitgeloupe en daonaeve op het Platsspektakel meziek gemaaktj, waar auch een zeer sjieke belaefenis woor. Haopelik kentj dit in de toekomst oetgreuje tot ein grootse happening op de Vastelaoveszaoterdig. De minse van Pey, Ech en zeker auch van Genoa en Laak en Staeveswaert höbbe os van ooze beste kantj gezeen en weer höbbe den auch väöl plezeer gehadj mit dees daag. Nao de vastelaovendj haef zich (helaas) ooze persoanlikke hofnar, Stefan Goertz, bedanktj es lid van oos Zaate Hermenie. Stefan is altied ein trouw lid gewaes van Repke Tepke en dao wille weer hem den auch hertelik väör bedanke.

 Nao ein langverdeendje vakansie (mesjiens waal ein tè lang vakansie) höbbe weer väörbereijingen getroffe väör het Limburgs Kampioensjap Zaate Hermeniekes 2005, welk gehaoje waerdje in Sjwame. Hiej zeen weer (alweer mit 2 bösse) haer aafgereisj op zaoterdig 16 oktoaber. Het woor alweer hartstikke sjiek en weer zeen wederom mit eine 4dje pries nao Pey terökgereisj. Nao ein sjieke after-party en pliesie-bezeuk woor het ein schitterendj weekend. 
Zoa zeen weer dit Limburgs Kampioensjap ein jaorlijkse tradisie gestartj: op vriedigmiddig, de daag väör het LKZH, mit ein aantal man in pak de kroegen aaf.

De CD opname en de Vastelaovendj van 2005
Het woor alweer 2005 en det beteikendje det d'er alweer ein nuuj Vastelaovesseizoen väör de däör stong. Het sjieke van dit jaor woor det weer väör de CV de Aester oet Ech de sjlager moogdje verzörge. Dit is den auch geweldig gebäördj door ein aantal leeje van os in samenwerking mit Marcel Dirkx. De naam van de cd ('Rap nao d'n Tap') spruktj väör zich...wer weite al det Repke Tepke ein vriej vertaling van Rap nao d'n Tap is! Naeve de sjlager höbbe weer op het ènj van 2004 ein CD opgenomme wo in totaal 9 nummers op staon. De CD's zeen de däör oet gevlaoge en waere nog steeds gries gedrejt biej eederein thoes.

Het Vastelaoves Concert woor auch ein geweldige happening wo weer den auch oprecht trots op mooge zeen. Op deze aovendj, precies ein waek väör de Vastelaovendj is Prins Bastiaan I aafgetraoje en haef plaats gemaaktj väör eine nuuj, veese prins: Prins Paul I.  Oeteindelijk is de Vastelaovendj van 2005 omgevlaoge samen mit de Aester oet Ech en Prins Jos en Anita in het biejzunjer. En natuurlijk Jeugdprins Bob! De sjlager haef döks tot laat in de aovendj door de straote van Ech geklonke. Via luidspraekers in de kroegen of oet ein of anger träöt van eine van Repke Tepke....


In Goirle (jubileum Cees Verhulst) woor het eine dolle pret, samen mit de Aester.


In juli 2005 höbbe weer in ein gooj verhaojing oos stamkroeg Strandjpaol 11 verlaote. Dit omdet nao jaore van repetisies op de zolder, dit waegens veiligsheidsrejes door Bavaria is verbaoje. Weer wore daonao genoadzaaktj in de serre te oefenen, mit laktegels op de vloer en 3 wènj van glaas. Det woor - wie jaomer det het auch woor - neet te doon. Naodet weer tiejelijk in het Buurthoes in Ech höbbe gerepeteerdj höbbe weer ongerdaak gevonje in de vorm van de Stoba in Ech. Nao oos (verdeendje) vakantie, zeen weer hiej in september begosj, om os väór te bereije op oos 3dje deilname aan het LKZH...in Zitterd biej kampioen van 2005 't Trumke en 't Träötje.

Net väör oos väörbereijing op het LKZH, haef kleine trom houwer Paultje Sonnemans zich bedanktj es lid van Repke Tepke. Hae koos zien werk en zien hobbies simpelwaeg neet mië combinere en moos daorom ein käös make. Omdet hae in principe altied biej os aanwezig wol zeen, mer dit oeteindelijk neet koos door tiedgebrèk, haef d'r beslaote om gein lid mië te zeen van oos vereniging. Roy Meuwissen is daorom doorgesjaove van dikke trom nao klein trom en Maickel van Bongo's nao dikke trom. Daonaeve höbbe weer ein nuuj lid gekreege in de vorm van Yvonne Janssen oet Staeveswaert. Yvonne woor destieds de vriendin van John en is os komme versterke op klarinet (aka sjtèk!).

Het LKZH in Zitterd woor väör os allemaol ein groat succes. Mit sjieke ingestudeerdje nummers en eigenlijk gein act (!) höbbe weer ein schitterendje prestasie geleverdj, mit es resultaat ein (dikke) 4dje plaats, op 0.5 puntj van de nummer 3. Joekskapel Zonger Drank Geine Klank oet Brachterbaek haef het LKZH 2005 gewonne en hiej zeen weer den auch gaon träöte oppe recepsie.


In Zitterd hawwe weer neet allein een spektaculair optraeje
(mit väöl gesjrieëf in de microfoons) mer höbbe weer baovenal
eine geweldig gezellige aovendj gehad!

 Download de juryrapporten van het LKZH 2005

Het jaor 2006: de aanloup nao de Vastelaovendj en de titel Limburgs Kampioen 2006!
Nao het LKZH in Zitterd höbbe weer gewuuën doorgerippeteerdj, want de stömming en motivasie zootj d'r good in nao oos sjoan optraeje en prestasie op het LKZH. In dees periode höbbe weer versjillendje nuuj nummers ingestudeerdj. Auch begoosj de tied van Zaate Hermeniekes treffes weer. Op het ieëste Petie Parie Partie (van Jonk Geweldj) höbbe weer oos ieëste 1ste plaats behaoldj in oos ganse historie oats. Eine groate wisselbaeker en eine nummer-1 baeker zeen terökgenomme nao Pey. Dees höbbe weer den auch allemaol biej de Stoba baove de tap gezatj. Al mot dao waal bie waere gezag det de wisselbaeker al get ongerdeile haw verlaore einmail bie de Stoba aangekomme! Auch höbbe weer oos anger baekers en herinneringen dao neer geplaatsj. Daonaeve is ein echte pakkecommissie in 't laeve gerope om os ìn nuuj pèkskes te staeke. De Vastelaovendj höbbe weer den auch eederein verrasj mit oos schitterende blaw/gael pakker en dikke broen/paarse jès. Neet allein lekker werm, mer auch hartstikke sjoan! Eederein dae hiej zien/haer steinke aan haef mitgedraage: bedanktj!

Op vriedigaovendj 17 fibberwarie (ein waek väör de Vastelaovendj) höbbe weer ein grandioos Vastelaoves Concert biej de Stoba in Ech gegaeve. Mit mer leefs 11 Zaate Hermenieën, eine aafgelaaje volle zaal en ein prachtige Vastelaovesstömming höbbe weer eine baeregezellige aovendj gehadj. Tiejens deze aovendj is Prins Paul I aafgetraoje en is Ellen Scheijen beneumdj tot Prinses van Repke Tepke! Dus in 2006 heerste Prinses Ellen I äöver het groat Repke Tepke riek....

En eindelijk woor de Vastelaovendj dao! Mit ein prachtig programma en mit oos spiksplintjernuuj blaw-mit-gael pakke woor het geweldig! Nao op de vriedigaovendj nao de Pepijn, Judoclub en nao de Stoba te zeen gewaes, zeen weer op de zaoterdig aafgereisj nao Remunj: nao de Stasiefestatie. Det woor harstikke leuk en rondj de n'ammedig (in het Nederlands: namiddag) zeen weer nao Ech terökgetreintj om te träöten op 't PlatsSpektakel. 's Zondes woor de optoch van Ech dao en 's Maondes dae van Pey. Hiej höbbe weer de 1ste Pries väör Kaetelkapellen gewonne wo weer erg trots op zeen. Helaas woor het alweer dènsdig en de lèste daag woor alweer aangebraoke. De lèste optoch, de lèste kiër het pèkske aan....helaas de Vastelaovendj woor alweer om.


Hie weer in oos nuuj pakke, edisie 2006, väör de optoch van Pey!


Nao de Vastelaovendj höbbe weer 2 nuuj leeje d'rbiej gekreege. Allerieës woor det Roel Golsteijn oet Pey. Roel speeltj tuba. Daonaeve is de vriendin van Roy vanne Theuler, Myrthe Abels, derbiej gekomme es nuuj trompettiste! Myrthe is nao hevige ongerhanjelingen mit de Baerekepel oet Hael oeteindelijk toch väör het grandioze salaris äöverstag gegange. En speeltj sindsdeen bie Repke Tepke.

En toen: Limburgs Kampioen Zaate Hermeniekes!
Zaoterdigaovendj 16 september 2006 höbbe weer deil genomme aan het Limburgs Kampioensjap väör Zaate Hermeniekes in Brachterbaek. De wènnaar van 2005, Joekskapel Zonger Drank Geine Klank, haw ein grandioos fieës georganiseerdj. 's Daags (vriedig) van teväöre höbbe weer os al mit ein aantal man mood ingedronke. Ein tradisie mosse in ieëre haoje, dus auch dit jaor zeen weer in pak de kroegen in Ech aafgegange. 's Zaoterdes zeen weer om 13.00u biejein gekomme biej de Stoba. Effe lekker gezellig samenzeen en d'r eine sjoane daag van make. De fanfaarleeje van os moste nao de fanfaar in verbandj mit het Bondsconcours, woodoor d'r ein bös later vertoch nao Brachterbaek. De hèlf van os en de supporters woore den auch al lekker in de tent toen de rest arriveerdje. Waaw! Waat ein gezich: väöl supporters, ein gezellige tent en auch nog èns väöl Hawaii-slinger en heuj gesponsordj door Huub vanne Stoba.

Es 11dje woore weer oetgelaotj dus weer höbbe os nog eine gooje kènne drènke. En det haef geholpe! Oos optraeje woor spetterendj en knallendj. Mit oos thema 'Weer träöte os Bontj en Blaw/Gael' höbbe weer de tent op de kop gezatj. Leuke en gevariereerdje nummers, get aktie op de bühme en allemaol blaw/gael & maeters verbandj. Immers, weer woore neet väör niks Bontj en Blaw/Gael!

en niks ingestudeertj! Hiej de Sirtaki...
Oos optraeje is beloantj mit 297,5 puntj en det beteikendje DET WEER GEWONNE HAWWE! Onväörstèlbaar: Repke Tepke Limburgs Kampioen Zaate Hermeniekes 2006. Waem haw det gedach. En daonaeve höbbe weer auch de Publiekspries mit nao Pey genomme. Het wènnaarsoptraeje ging auch geweldig en weer höbbe d'rvan genaote. De bösreis terök woor auch geweldig en daonao zeen weer nao de Stoba getroch! Hiej höbbe weer nog geträöt en...gezaope! 's Zondes waerdje weer om 15.00u verwachj in Brachterbaek om nogmaals oos optraeje te haoje. Nao oos biejeinkomme biej de Stoba zeen weer hiej nao oos optraeje auch weer oetgekomme. Het beer ging d'r good in en het woor prachtig. Waat ein fieës. En auch biej de Chinees woor het fieës toen weer dao zeen gaon aete. Väör ein aantal van ôs woor het allein 's nachs gein fieës mië, al hangendj of zittendj baove of op de WC. Tsja: 'biej de Sjmaakpolisie zègge ze altied det Chinezen..'...naja völ zelf mer in.

Nao het LKZH höbbe weer ein nuuj lid d'rbiej gekreege in de persoan van Manon Rameckers oet Pey. Manon speeltj sax-alt woodoor weer ein äöverweldigendje saxen sectie höbbe. Ariënne is daonaeve äöver gestaptj van klarinet nao alt. Om dit alles in gooj bane te leije höbbe weer ein echte Sexie Saxe Sectie opgerichtj. Roy 'de solist' vanne Theuler is bevel- en gezaghöbber van dit zootje ongeregeldj.

En det mosse viere!
Om oos knallendje äöverwènning op het LKZH te viere höbbe weer op zondigmiddig 19 november 2006 biej de Stoba ein geweldige receptie gehaoje! Om 14.11u verzörgdje ooze besjèrmhieër Jos Heuvelmans op ein prachtige meneer de äöpening in ein sjoan verseerdje zaal. Dit alles is vastgelag door TV Limburg. Nao ontzettend väöl hèndjes, kusjes, kado's, serenaatjes en toesprake is de receptie om 18.11u aafgeslaote door Bart Sevriens. De ganse middig woor onger leiding van oos ceremoniemeister Roger & Roger van Tropicano Express.

 Download de juryrapporten van het LKZH 2006
 Download de oetnuuediging väör oos kampioensreceptie

Viefdje Vastelaoves Concert, de Vastelaovendj 2007 en oos eigen LKZH Fieësweekend!
De Vastelaovendj 2007 woor weer eine om in te lieste. En det allemaol onger het toezeendj aug van Prinses Janou I, de twieëdje Prinses van Repke Tepke. Janou is tiejens het viefdje Vastelaoves Concert oetgerope door de destiedse Prinses Ellen I. De optochten van de Vastelaovendj woore erg sjoan, de daag lang en gezellig en natuurlijk vloog alles hartstikke vlot om. En toen höbbe weer os klaorgemaaktj väör de organisatie van oos eigen fieës: het LKZH 2007. Ein aafvaardiging van de Stichting LKZH haef trouwens tiejens het Vastelaoves Concert offisjeel het logo van dit fieësweekend gepresenteerdj....

In het weekend van 26-27-28 oktoaber 2008 höbbe weer oos eigen LKZH georganiseerdj. Ein dik half jaor höbbe hie weer samen mit ein speciaal opgerichte Stichting, werkgroepen en väöle vriejwilligers aan gewèrkt. Mieë is te laeze op de speciaal pagina in het menu  'Trots op'. De organisasie höbbe weer samen mit de Aester Ech en de fanfaar van Pey verzörtj. Het bestuur en de wèrkgroepe leper es ein speulke, ongelaoge. En oeteindelijk haef al det enthousiasme d'rtoe gelèdj det weer knallers van drie daag höbbe gehad. Natuurlijk naodet weer op de donderdig de 25e mit ein paar man tot in de late uurkes höbbe gepokertj en daonao de nach höbbe doorgebrach op het lekker zachte hout van de bühne. De bühne wo de daag d'rop nemes minder den de Janse Bagge Bend ein geweldig optraeje zoew verzörge. Nao get aanloupprobleemkes (mit aggregate väör de insiders) is op vriedig de 26e oktoaber het fieësweekend losgebarste. Mit dich 1300 man in de tent woor het ein genot om bie te zeen. De zaoterdigaovendj zelf stong in het teiken van de titelstrijd väör het Limburgs Kampioensjap Zaate Hermeniekes 2007. Väör het oug van 1250 man haef Joekkapel Jonk Geweldj oet Heitse dae titel mit heives genomme. En dik verdeentj! De zondag bleek oeteindelijk het neusje van de zalm te zeen. Mit mieë es 1300 fieësgèngers bie het Oktober Fest - det 's middes al begoos - en äöver de 100 kènjer bie het speciale Kènjerprogramma woor het ein aafsloeting om in te lieste. Weer hawwe os det neet baeter kènne bedènke. 's Daags daonao veel al det gelök waat weer van het weekend hawwe gehadj, oet de loch, want het raegende piepestele mit aafbraeke. Met det maakdje niks oet väör al die brei glimlachen op eeder gezich! Het woor ein LKZH waat weer wellich noats mië kènne evenare. En wellich anger kapellen auch neet! 


De väörkant van de flyer van het LKZH 2007.

 Download de aenige echter flyer van het LKZH
 Loester nao de jingle van het LKZH 2007

Get Flash to see this player.

 

2008: het jaor van het  zesdje Vastelaoves Concert en de Vastelaovendj nao het LKZH
Het zesdje Vastelaoves Concert stong in het teiken van väöl Zaate Hermeniekes, eine optraeje van nemes minder es de Jonges van de Zank en eine groate zaal. In het väörprogramma is daonaeve de nuuje heerser äöver het Repke Tepke riek oetgeroope. En det is gewoore Prins Frank I, Prins van 2008 mit ein prachtig pak en blaw-gaele steek. Auch hawwe weer eine nuuje trompetter in oos midde in de vorm van Pim Ramakers van 't Hènge!

De Vastelaovendj 2008 stong es eeder jaor in het teiken van väöl plezeer, samen meziek maken en gezelligheid. En det begoos allemaol alweer op de vriedigaovendj in de kroegen van Pey. Op zaoterdig zeen weer nao ein lekker ontbijt bie de Brak aafgereisj nao Remunj väör de Stasiefestasie. Dao woor het zoa drök det weer vlot weer terök nao Pey en Ech zeen gegange. De opvolgendje daag höbbe weer mit Prins Frank I versjillendje optochten geloupe en väöl plezeer gemaaktj. Nao de Vastelaovendj zeen John Schoenmakers en Ariënne Vossen gestoptj es lid van Repke Tepke. In september 2008 is Tanja Tonnaer, vriendin van Pim, es lid gestartj bie de club op hoorn.

 
Repke Tepke 2009 (Bart Golsteijn - thambar@xs4all.nl)